Hamyonbop va ixcham sport anjomi Medbol haqida bilasizmi?

Total
0
Shares

Medbol – bu og‘irligi 1 dan 20 kg gacha bo‘lgan yuklama, garchi katta vaznga ega ekzotik modellari ham mavjud. Ko‘pincha u gantellar yoki giryalarga muqobil ravishda qo‘shimcha yuklama o‘rinida ishlatiladi. Ammo u bilan ishlashning yana bir nechta varianti mavjud. Misol uchun, uni tashlash, tutish va sherikka oshirish mumkin.

Uyda mashq qilish uchun simulyator sifatida medbolning asosiy afzalliklaridan biri uning ixchamligidir. U kam joy egallaydi: hatto eng katta Medbol ham diametri 40 sm dan oshmaydi.Bundan tashqari, Medbol elastik to‘p emas, u uy ichida aylanib va sakrab ketmaydi.

Shu bilan bir qatorda, siz uni o‘zingiz bilan sport zaliga yoki sport maydoniga olib borishingiz mumkin, u yerda u mashg‘ulotlaringiz o‘zgacha bo‘ladi.

Medbolni qanday tanlash kerak?

Odatdagi mashqlaringizni bajarib ko‘ring: to‘pning og‘irligi ozgina qarshilik berishi kerak, ammo koordinatsiya aniq bo‘lib qolishi kerak, shunda mashg‘ulot bo‘g‘imlar va mushaklar uchun xavfsiz bo‘ladi. Yodda tutingki, do‘konda to‘p yengil ko‘ringan bo‘lsa ham, siz u bilan 10-20 marta takrorlashning bir nechta to‘plamini bajarishingiz kerak bo‘ladi.

Chaqqonlik va egiluvchanlikni yaxshilash uchun dastlab og‘irligi 1-3 kg dan oshmaydigan to‘p yetarli bo‘ladi. Og‘irroq modellar kuch-quvvat mashqlari va yaxshi tayyorlangan sportchilar uchun to‘g‘ri keladi. Har holda, birinchi navbatda yengilroq to‘pni sotib olish va vaqt o‘tishi bilan uni og‘irroq bilan o‘zgartirish yaxshiroqdir.

Shaklga kelsak, tutqichli yoki rul shaklidagi modellardan farqli o‘laroq, oddiy dumaloq to‘p ko‘proq mashqlar uchun mos keladi. Shuning uchun biz sizga klassikani tanlashingizni maslahat beramiz.

Medbol to‘pi bilan mashqlar

Qo‘shimcha yuk sifatida Medbol to‘pi bilan mashq qilish

Odatiy o‘tirib turish yoki qorin bo‘shlig‘i mashqlarini yana-da murakkablashtirish uchun qo‘llaringizga juda og‘ir bo‘lmagan medbolni ushlashingiz mumkin.

Funksional trening

allstarhealthfitness.com

Medbolni nafaqat qo‘llaringizga, balki tizzalaringiz orasiga ham siqib qo‘yishingiz yoki uni tayanch sifatida ishlatishingiz mumkin. Bu yerda to‘liq tanani kuchaytirish uchun klassik mashqlarning asosiy to‘plami.

Chigal yozish uchun:

Oyoqlarini kengroq qilib yerga o‘tiring, dinamik cho‘zilish paytida to‘pni tayanch sifatida foydalaning;

Bir oz egilgan oyoqlari bilan turing, qo‘lingizga medbolni oling va uni atrofingizdan aylantirib, orqangizdan boshqa qo‘lingizga o‘tkazing;

Bir oz egilgan oyoqlari bilan turing, bir oz o‘tiring, belga buriling, to‘pni tizza darajasida yon tomondan boshqa tomonga o‘tkazing;

Tik turing, medbolni boshingiz uzra ko‘taring, cho‘zing, so‘ngra to‘pni oyoqlaringizga tushiring (uni tashlab, keyin uni olish uchun egilib qolishingiz mumkin).

Otjimaniye “mashqi. To‘pga tayanish klassik mashqlarga koordinatsiya mashg‘ulotini qo‘shadi.

Press mashqi. Siz to‘pni qo‘llaringizga olishingiz va tanani ko‘tarayotganda uni oldinga cho‘zishingiz mumkin, yoki aksincha, tizzangiz orasiga siqib qo‘yishingiz mumkin.

Gavdani aylantirish. Tik turgan yoki o‘tirgan holatda, to‘pni iloji boricha chetga olib, bel tomonga buriling.

Planka. Qo‘llaringiz bilan (yoki bir qo‘lingiz bilan) medbolga suyaning: to‘pda muvozanatni saqlash oddiy plankadan ko‘ra mashg‘ulotda yukni oshiradi.

Yuqori tana mushaklari uchun to‘pni qo‘llaringizga ko‘taring va tushiring:

Qo‘llaringizni tekis pastga tushiring, to‘pni torting, qo‘llaringizni ko‘krak darajasida egib oling;

Medbolni boshingiz orqasiga oling, tirsaklar oldinga qaragan bo‘lishi kerak, qo‘llaringizni boshingiz uzra ko‘taring;

Qo‘llaringizni oldingizda cho‘zing, to‘p bilan to‘g‘ri qo‘llaringizni boshingiz uzra ko‘taring (siz ohistalik bilan medbolni yerga tashlashingiz mumkin).

10 ta takrorlashni bajaring. shoshilmang, har bir mushakni mashq qilish uchun harakatlarni ohista bajaring.

Zarbli mashg‘ulotlar

Mushak massasini ko‘paytirish uchun og‘irroq to‘pni tanlash va uni basketbol to‘pi kabi ishlatish yaxshiroqdir: uni devorga qattiq oting, shunda u sakraydi, keyin uni ushlang. Bunday mashqlar, ayniqsa, tananing yuqori mushaklari (qo‘llar, qorinlar, bel) uchun samarali bo‘lib, koordinatsiya va chidamlilikni yaxshilaydi.

Mahkamroq devor toping va turli xil zarbalarni bajaring:

Devorga qaragan holda, to‘pni ko‘krak darajasida: oldinga oting (basketbol to‘pi kabi).

Yon tarafingizni devorga qarating, to‘pni devordan uzoqdagi son balandligida ushlang va diagonal bo‘ylabn tepaga qarata oting.

Uzoqdan turib devorga yon tarafingizni qarating, to‘pni devordan uzoqdagi yelka balandligida ushlang, kuchli zarb bilan to‘pni diagonal bo‘ylab pastga qarata oting, qo‘shimcha taʼsir uchun bir vaqtni o‘zida devor tomonga kichik sakrash qilishingiz mumkin.

Bir tizzada yon tarafingiz devorga qaratib, to‘pni devordan uzoqdagi yelka tomondan diagonal bo‘ylab pastga oting

Devorga orqangiz bilan qarama-qarshi turing, to‘pni ko‘krag balandligida ushlang va ortga burilib to‘pni oldinga oting.

Devorga orqangiz bilan qarama-qarshi turib biroz pastga egiling va to‘pni ortga devorga oting.Qiyin tarafi to‘pni ushlab olishda.

Devorga qaragan holda, ko‘krak darajasida medbolni ushlang: keskin sakrab va qo‘llarni to‘p bilan iloji boricha yuqoriga ko‘taring (to‘pni qo‘yib yuborish kerak emas).

Mashqlar orasida 1-2 daqiqa dam olib, yuqori surʼatda 5-10 marta to‘pni uloqtiring. Ikkala qo‘lingiz bilan zarba berish uchun boshqa tomonga burilishni unutmang.

Juftlik tarzidagi mashqlar

Birgalikda mashqlarni bajarayotganda, Medbol og‘ir sport anjomi ekanligini unutmang. To‘pni tushirib yubormaslik uchun sherigingizga ehtiyot bo‘ling.

Bir-biringizga orqangizni qaratib turing, oyoqlar yelkangiz kengligida. Engashib, to‘pni sherigingizga uzating, so‘ngra to‘g‘rilanib, to‘pni yuqoridan qabul qiling.

Avvalgisiga o‘xshash, lekin to‘pni pastdan emas, balki yon tomonga egib o‘tkazing.

Oldingisiga o‘xshab, belni buring va to‘pni ko‘krak darajasida uzating.

1-2 metr masofada bir-biriga qarama-qarshi turish, to‘pni ko‘krakdan bir-biriga uloqtirish mumkin.

Avvalgisiga o‘xshash, lekin sizning orangizdagi markazda polga zarba orqali ko‘krakdan to‘pni polga uloqtiring.

Bir-biringizga qaragan holda tizzada o‘tirib, orangizdagi polga zarba orqali to‘pni ko‘kragingiz balandligidan uloqtiring.

Bir-biringizga yonma-yon turib, medbolni yelkangizga ko‘taring va orangizdagi markazdagi polga zarba orqali bir-biringizga uloqtiring.

Bir-biringizga yonma-yon turing. To‘pni yelkangizga ko‘taring va orangizdagi markazda polga zarba bilan bir-biringizga uloqtiring.

Devorga yon tarafdan qarab turib uni devorga oting, sherigingiz uni ushlab olsin.

Mashqni 1 daqiqa bajarganingizdan so’ng, 30 soniya tanaffus qiling va joylaringizni almashtiring.

Manba: lifehacker.ru

Fikr bildirish

Email manzilingiz chop etilmaydi.